Վարդանիկը փորձում է սոցիալական բունտի նման մի բան հրահրել

Դատելով Գյումրիում կատարված վերջին իրադարձություններից` Վարդան Ղուկասյանը որոշել է «վա-բանկ» գնալ եւ յուրօրինակ շանտաժով իշխանություններից տեղ պոկել արեւի տակ. գրում է «Հրապարակը»:

Ըստ «Հրապարակ»-ի՝ դրա մասին է խոսում այն, որ նրանց պատկանող երթուղիներից մեկը թանկացրել է ուղեվարձը հենց ապրիլի 2-ին՝ Րաֆֆի Հովհաննիսյանի Գյումրի կատարած այցի օրը, նախագահի երդմնակալությունից մի քանի օր առաջ:

Հնարավոր է, նշում է թերթը, որ Ղուկասյանը փորձում է սոցիալական բունտի նման մի բան հրահրել՝ առաջնորդվելով «ինչքան վատ, այնքան լավ» կարգախոսով, կամ էլ հասկանում է, որ իրեն երկար չեն հանդուրժելու, եւ փորձում է Գյումրիից՝ որքան հնարավոր է շատ փող քամել:

Թե որ տարբերակն է, կերեւա մոտ ապագայում: