Պաշտոնյաները խուճապահար հրաժարվում են իրենց կեղծ գիտական թեզերից

Ռուսաստանցի պաշտոնյաները համաձայն են ցանկացած գումարը վճարել` իրենց կեղծ ատենախոսություններից հրաժարվելու համար. հայտարարել է ՌԴ Բարձրագույն որակավորման հանձնաժողովի նախագահ Վլադիմիր Ֆիլիպովը:

«Ես արդեն կատակում եմ, որ եթե նախկինում վճարում էին ատենախոսություն գրելու համար, ապա հիմա պաշտոնյաները վազվզում են, փնտրում, թե ում վճարեն, որպեսզի հրաժարվեն ատենախոսություններից»,- ԲՈՀ-ի նախագահի խոսքերն է մեջբերում РБК-ն:

Պետծառայողները վախենում են, որ մամուլում կհայտնվեն իրենց  գրագող լինելու մասին տեղեկություններ:

Ֆիլիպովը խոստացել է, որ շուտով կստեղծվի մեխանիզմ, երբ ատենախոսության պաշտպանության ժամանակ կստուգվի ոչ միայն դրա տեքստը, այլ նաեւ  թեմայի իմացությունը: