Երկրաշարժ` Աշոցքում. բնակիչները խուճապահար դուրս են եկել տներից

ՍՊԾ գործակալությունը տեղեկացնում է, որ հունվարի 26-ին` տեղական ժամանակով ժամը 00.56-ին, ՍՊԾ-ի սեյսմոլոգիական ցանցի կողմից գրանցվել է 3.2 մագնիտուդով երկրաշարժ, որի էպիկենտրոնը գտնվում է ՀՀ տարածքում` Աշոցք քաղաքից 10 կմ դեպի հարավ-արևելք:

Երկրաշարժի ուժգնությունը էպիկենտրոնային գոտում կազմել է 4 բալ։  Երկրաշարժի հիպոկենտրոնը գտնվում է 10 կմ խորության վրա։

Ըստ նախնական տեղեկատվության` երկրաշարժը զգացվել է Աշոցքում 3 բալ ուժգնությամբ: Դա` ըստ պաշտոնական տվյալների: Սակայն, ըստ Yerkir.am-ի տեղեկությունների, երկրաշարժն այնքան ուժեղ է եղել, որ Աշոցքի բնակիչներն իրենց տներից խուճապահար դուրս են եկել: Բարեբախտաբար, ավերածություններ չկան: