Սերբիան եւ Կոսովոն համաձայնության չեն եկել

Սերբիայի վարչապետ Իվիցա Դաչիչը եւ նրա կոսովցի գործընկեր Հաշիմ Տաչին 14 ժամ տեւած բանակցությունների ընթացքում չեն կարողացել համաձայնության գալ Կոսովոյում սերբական մունիցիպալիտետների հարցում. տեղեկացնում է Associated Press-ը` հավելելով, որ բանակցություններն ընթանում էին Բրյուսելում:

Բանակցությունների հիմնական թեման այն լիազորություններ են, որ պետք է ստանան սերբերը Կոսվոյում: Սերբիայի վարչապետը պնդում է, որ Կոսովոյի` սերբերով բնակեցված տարածքը` սեփական խորհրդարանով, կառվարությամբ, արդարադատության մարմիններով եւ ոստիկանությամբ, անկախ լինի Պրիշտինայից: Այդ դիրքորոշումը ձեռնտու չէ ոչ միայն Կոսովոյի իշխանություններին, այլ նաեւ ԱՄՆ-ին եւ ԵՄ-ին: