Չեխիայում կթույլատրվի մարիխուանան` որպես ցավազրկող

Չեխիայում ապրիլի 1-ից ուժի մեջ մտավ «Մարիխուանան բժշկական նպատակներով օգտագործելու մասին» օրենքը:

Օրենքը քննարկման էր դրվել դեռ 2012-ի դեկտեմբերին, սակայն նման որոշում հաջողվեց ընդունել միայն մեկ շաբաթ առաջ: Մարիխուանան կթույլատրվի օգտագործել միայն դեղատոմսով` որոշ հիվանդությունների դեպքում` քաղցկեղի, ՁԻԱՀ-ի, էկզեմայի, ինչպես նաեւ որպես ցավազրկող` նույնպես հատուկ դեպքերի համար:

Ըստ ամենայնի` սկզբնական շրջանում Չեխիան մարիխուանա կներկրի Նիդերլանդներից` մինչեւ տեղի ընկերությունները կստանան հատուկ լիցենզիա` տեղում թմրանյութն աճեցնելու համար: Ի դեպ, 1 գրամ մարիխուանան կարժենա 3-8 եվրո:

Աղբյուրը` bbc.com