Թեկնածուական գրելը ծիծաղելի է

Ռուսաստանի վարչապետ Դմիտրի Մեդվեդևը իր բացասական վերաբերմունքն է արտահայտել այն երևույթի նկատմամբ, երբ բոլոր մեծ ու փոքր չինովնիկները ձգտում են անպայման թեկնածուի գիտական աստիճան ունենալ:

«Մեզ մոտ, ցավոք, ատենախոսության պաշտպանությունը դարձել է պետական կառույցներում կարիերա անելու մի մասը: Նման բան աշխարհի և ոչ մի երկրում չկա»,- ասել է նա բուհերի ուսանողների հետ հանդիպման ժամանակ:

РИА Новости-ի հաղորդմամբ` Մեդվեդևն ասել է նաև, երբ տեսնում է, որ ամեն մի «լուրջ» ղեկավար «ինչ-որ գիտության թեկնածու» է, ապա իր մոտ կասկածներ են առաջանում: «Մի ժամանակ ես ցանկանում էի դոկտորական գրել: Բայց որոշեցի, որ դրա կարիքը չկա, որովհետև դա շատ ծիծաղելի կլինի»,- ասել է Մեդվեդևը: