ԿԱՀ-ի ինքնահռչակված առաջնորդը ցրել է խորհրդարանը

Ապստամբների «Սելեկա» միության առաջնորդ Միշել Ջոտոդիան, ով իրեն Կենտրոնական Աֆրիկայի Հանրապետության (ԿԱՀ) նախագահ էր հռչակել, հայտարարել է, որ մտադիր է ցրել խորհրդարանն ու կառավարությունը. հայտնում է France-Presse-ը:

Ջոտոդիայի խոսքերով` այժմ ԿԱՀ-ում անցումային շրջան է, և այն կշարունակվի մինչ արդար, ազատ, թափանցիկ ընտրությունների անցկացումը: Մինչ այդ Ջոտոդիան մտադիր է ղեկավարել երկիրը հրամանագրերի միջոցով:

Հիշեցնենք, որ «Սելեկա»-ի ներկայացուցիչները մարտի 23-ի երեկոյան հեղաշրջում էին իրականացրել` գրավելով պետության մայրաքաղաք Բանգուին: Նախագահ Ֆրանսուա Բոզիզեն ստիպված է եղել փախուստի դիմել հարևան Կոնգոյի Դեմոկրատական Հանրապետություն: