Կառավարությունը կօգնի Մխիթարյան միաբանությանը

Վենետիկի Մխիթարյան միաբանությունում կուտակված է ահռելի մշակութային ժառանգություն, այդ թվում` նաեւ գրական, եւ պետք է այդ ամբողջը թվայնացնել: Այս առումով նպատակահարմար է, որ կառավարությունն օգնի Մխիթարյան միաբանությանը. կառավարության այսօրվա նիստում ասաց ՀՀ Սփյուռքի նախարար Հրանուշ Հակոբյանը:

Նա նշեց, որ Հայաստանի ղեկավարության ուշադրության կենտրոնում ն հայագիտության եւ հատկապես` մշակութային ժառանգության պահպանության խնդիրները Սփյուռքում, նաեւ տեղեկացրեց, որ Մխիթարյան միաբանությունան մշակութային ժառանգությունը, այդ թվում` գրական ժառանգությունը ներառում է 3000 ձեռագիր մատյաններ, շուրջ 200 հազար հնատիպ եւ հազվագյուտ գրական երկեր եւ 300 տարվա փաստաթղթեր:

Սփյուռքի նախարարը նշեց, որ այդ գրական ժառանգությունը պետք է թվայնացվի, որպեսզի նաեւ դրանց մեկ օրինակն ունենանք Հայաստանում: Ուստի, նշեց նախարարը, նպատակահարմար է, որ կառավարությունն օգնի Մխիթարյան միաբանությանըթվայնացման համար անհրաժեշտ սարքեր ձեռք բերելու հարցում: