Թաղապետերը հրաժարական չեն տա. Մհեր Սեդրակյան

ՀՀԿ Խորհրդի նիստին ներկա էր նաեւ ԱԺ ՀՀԿ խմբակցության պատգամավոր Մհեր Սեդրակյանը:

Նիստից հետո Yerkir.am-ը հարց ուղղեց նրան` հնարավո՞ր է` Ավան, Արաբկիր եւ Աջափնյակ վարչական համայնքների ղեկավարները պաշտոնանակ արվեն վատ արդյունքներ գրանցելու համար: Սեդրակյանը վստահեցրեց. «Տենց բան չկա, հրաժարական չեն տալու: Եթե իրենք ուզեն չաշխատել, դիմումը կգրեն` կազատվեն, բայց ոչ մեկ չի ստիպելու»:

Սեդրակյանը նաեւ հայտարարեց, որ չեն խրախուսվելու այն համայնքապետերը, ովքեր լավ արդյունքներ են գրանցել: «Հավասար աշխատվել ա»,- ասաց նա:

Սեդրակյանը նաեւ հավելեց, որ նիստի ժամանակ ներկայացվել է ընտրությունների պատկերը, թե ինչ խախտումներ եւ թերություններ են եղել, որպեսզի շտկեն: Նախագահը, ըստ նրա, գոհ էր, տրամադրությունն էլ` լավ: