Բուլղարիան չի ընդունել ՀԱՄԱՍ-ի պատվիրակությանը

Բուլղարիան փետրվարի 15-ին երկրից արտաքսել է պաղեստինյան ՀԱՄԱՍ խմբավորման պատվիրակությանը. հայտնում է France-Presse-ը:

Հատուկ ծառայության աշխատակիցները եկել են հյուրանոց և օդանավակայան ուղեկցել ՀԱՄԱՍ-ի երեք ներկայացուցիչներին, որտեղից էլ նրանք մեկնել են Ստամբուլ:

Բուլղարիայի ՆԳՆ ղեկավար Ցվետան Ցվետանովի խոսքով` պատվիրակությունն օրինական է մուտք գործել երկիր, սակայն նրանց գործունեությունը եւ հայտարարված նպատակները չեն համընկնում: «Բացի այդ` պաղեստինյան կողմը չի զգուշացրել երկրի իշխանություններին այցի մասին, և ոչ մի պետական հաստատություն մտադիր չէ ընդունել խմբավորման անդամներին»,- ասել է նա: