Արգենտինական դատարանը կաթոլիկ եկեղեցուն մեղավոր է ճանաչել

Արգենտինական դատարանը Կաթոլիկ եկեղեցուն մեղավոր է ճանաչել 1976-1983 թթ. ռազմական դիկտատուրայի տարիներին իրականացված հանցագործություններին մասնակցելու մեջ. տեղեկացնում է РБК-ն:

Դատարանի որոշումը երկրում արդեն «պատմական» են կնքել:

Դատավճռում նշվում է, որ եկեղեցին աչք է փակել կատարվող հանցագործությունների վրա, երբեմն նաեւ համագործել է զինծառայողների հետ, երբ խոսք է գնացել առաջադեմ հոգեւորականներին վերացնելու մասին: Դատավորն առանձնահատուկ նշել է, որ եկեղեցին այսօր էլ հրաժարվում է ճանաչել այն տարիների հանցագործությունները:

Դատարանը նաեւ երկարաժամկետ բանտարկության է դատապարտել արգենտինական բանակի 3 նախկին սպաների 1976 թվականին երկու ընդդիմադիր տրամադրված հոգեւորականների սպանության համար: