Ըմբշամարտը կարող է դադարել օլիմպիական մարզաձև լինելուց

Արդեն տեղեկացրել ենք, որ ՄՕԿ-ը պետք է որոշի մի քանի սպորտաձևերի ճակատագիրը օլիմպիական խաղերի ասպարեզում:

Ըստ նախնական եզրակացության` ժամանակակից հնգամարտին, բադմինթոնին, սեղանի թենիսին և թաեքվոնդոյին կարող է միանալ նաև ըմբշամարտը: Սակայն վերջնական որոշումը կկայացվի սեպտեմբերին:

Այս լուրը ցնցեց մարզաշխարհը և հատկապես` ըմբշամարտի սիրահարներին և հենց ըմբշամարտով զբաղվողներին: 

«Ֆեյսբուք» սոցիալական կայքում բացվեց «Պահպանեք Օլիմպիական ըմբշամարտը»  խումբ, որին շուրջ  8 ժամվա ընթացքում միացել է մոտ 35.000 օգտատեր:

Ըմբշամարտի միջազգային ֆեդերացիան (FILA) իր պաշտոնական կայքէջում հայտարարել է, որ կանի հնարավոր ամեն բան, որպեսզի Միջազգային օլիմպիական կոմիտեին համոզի հետ կանգնել այդ մտքից, քանի որ ըմբշամարտը համարվում է բոլոր ժամանակների կարևորագույն սպորտաձևերից մեկը: