Արմեն Ջիգարխանյանի ''Հավերժական սերը'' Իսրայելում է

Հավերժական սեր` այսպես են ընկերներն ու հարազատները բնորոշում Արմեն Ջիգարխանյանի եւ նրա կնոջ` դերասանուհի, թատերագետ եւ բանասեր Տատյանա Վլասովայի հարաբերությունները: «Թատրոն. հավերժական սեր»` այսպես է կոչվում նաեւ Մոսկվայի դրամատիկական թատրոնի ներկայացումը, որը մարտին թատրոնի գեղարվեստական ղեկավար, ԽՍՀՄ ժողովրդական արտիստ Արմեն Ջիգարխանյանը ներկայացնելու է Իսրայելում. տեղեկացնում է mignews.com-ը:

Ինքը` Ջիգարխանյանը, ներկայացման մեջ կատարում է միանյակ Ծաղրածուի դերը: Նրա երբեմն տխուր, երբեմն ուսանելի ու իմաստուն պատմությունները սիրո, տղամարդ-կին հարաբերությունների մասին են, այն ամենի` ինչի միջով 40 տարվա ընթացքում անցել է Ջիգարխանյան-Վլասովա զույգը:

Ի դեպ, դերասանը վաղուց բեմ դուրս չի գալիս, միայն` սրտի թելադրանքով, որպեսզի ասի այն, ինչը դեռ չի ասել: Սա հենց այդ դեպքն է: