Րաֆֆու «սերը» ԿԳՆ հանդեպ վաղուց է հայտնի. Արմեն Աշոտյանի պատասխանը` Րաֆֆի Հովհաննիսյանին

Ֆեյսբուքյան գրառմամբ ՀՀ ԿԳ նախարար Արմեն Աշոտյանը պատասխանել է «Ժառանգության» առաջնորդ Րաֆֆի Հովհաննիսյանի հայտարարությանը:

Նշենք, որ այսօր մամուլի ասուլիսի ժամանակ Րաֆֆի Հովհաննիսյանն ասել էր, որ «Ժառանգության» անդամի հետ ԱԱԾ-ի իրականացրած գործողություններում կապավորը եղել է ԿԳ նախարարի խորհրդականը:

Արմեն Աշոտյանը,  ի պատասխան, գրել է. «Րաֆֆի Հովհաննիսյանի հայտարարությունը չեմ կարող չմեկնաբանել:

Րաֆֆու «սերը»  և ուշադրությունը ՀՀ ԿԳՆ-ի և իմ հանդեպ վաղուց է հայտնի: Իր այսօրվա տեսակետն այդ վերաբերմունքի դրսևորման շարքից է:

Հույս ունեմ, որ հաջորդ անգամ Րաֆֆին կհիշի ՀՀ ԿԳՆ-ի մասին պատեհ առիթով և տեղին, իսկ «քառյակային»  հավատարմութունն ընդգծելու և իշխանություններից դիստանցվելու նպատակով այլ փաստարկներ կորոնի»: