Ռուսաստանում հայի սպանության գործը բացահայտվել է

Սանկտ Պետերբուրգի եւ Լենինգրադի մարզի իրավապահ մարմինները բացահայտել են հունվարի 29-ին Վսեվոլժսկի շրջանի գլխավոր ճարտարապետ, հայազգի Էդուարդ Հակոբյանի սպանությունը: «Վեստի»-ն հաղորդում է, որ սպանության կազմակերպչին` Մարատ Բազիեւին, ձերբակալել են օդանավակայանում, երբ նա փորձում էր հեռանալ երկրից:

Ոստիկանական բաժանմունքում հարցաքննության ժամանակ նա իրեն ոչ ադեկվատ է պահել, սպառնացել, որ ցած կնետվի պատուհանից, իսկ այնուհետեւ` կորցրել գիտակցությունը: Շտապ օգնության աշխատակիցներն արձանագրել են նրա մահը, որը վրա է հասել սուր սրտային անբավարարության պատճառով:

Ավելի վաղ ոստիկանները ձերբակալել էին սպանությունն իրականացնողին` Դմիտրի Բարանովին, ում Բազիեւը սպանության համար նախ տվել էր 500 հազար ռուբլի, ապա` հավելյալ վճարել: Սակայն թե ինչու է նա պատվիրել Հակոբյանի սպանությունը, չի նշվում: