ՀՀ բռնցքամարտի առաջնությունը կընթանա փետրվարի 4-9-ը

Փետրվարի 4-9-ը Երևանի  Կ.Դեմիրճյանի անվան մարզահամերգային համալիրում կանցկացվի ՀՀ բռնցքամարտի առաջնություն. հայտնում են ՀՀ Բռնցքամարտի ֆեդերացիայից:

Առաջնությանը մասնակցության հայտ է ներկայացրել շուրջ 100 բռնցքամարտիկ, այդ թվում` հավաքական թիմի գրեթե բոլոր մարզիկները: Այս առաջնությանը բացառության կարգով չեն մասնակցի վերջերս Կալինինգրադում անցկացված  19-22 տարեկան երիտասարդների Եվրոպայի առաջնությանը մեդալակիր դարձած մեր բռնցքամարտիները` Կորյուն Սողոմոնյանը (ոսկե մեդալակիր), Արամ Ավագյանը (արծաթե մեդալակիր) և Նարեկ Աբգարյանը (բրոնզե մեդալակիր): Տղաները Կալինինգրադում ունեցած ծանր մարտերից հետո պետք է վերականգնվեն, իսկ իրենց տեղը ՀՀ հավաքականում կպաշտպանեն:   

Փետրվարի 4-ին կանցկացվի միայն կշռումն ու բուժստուգումը, որից հետո նոր կհրապարակվի ՀՀ առաջնության մասնակիցների ստույգ թիվը: Փետրվարի 5-ից արդեն մարզահամերգային համալիրի ճեմասրահում կմեկնարկեն մենամարտերը: