Մանվել Գրիգորյանի և Նազիկ Ամիրյանի գործով դատական նիստը կընթանա դռնփակ, որին ներկա է նաև Մանվել Գրիգորյանը

Մեկնարկել է ԵԿՄ վարչության նախկին նախագահ, ԱԺ նախկին պատգամավոր, գեներալ Մանվել Գրիգորյանի եւ նրա կնոջ՝ Նազիկ Ամիրյանի գործով դատական նիստը: Պաշտպանական կողմը  միջնորդություն ներկայացրեց, որ նիստն ընթանա դռնփակ, ինչը դատարանը որոշեց բավարարել:

«Հաշվի առնելով, որ դատական նիստի սկզբում ամբաստանյալի պաշտպանները համաձայնություն չտվեցին, որ տեսանկարահանվի կամ լուսանկարահանվի, ուստի դատարանը որոշեց նիստի ժամանակ  տեսանկարահանումը կամ լուսանկարահանումը արգելել»,– նշեց դատավոր Մնացական Մարտիրոսյանը:

Հավելենք, որ դատական նիստին մասնակցում է նաև Մանվել Գրիգորյանը: Պաշտպանը տեղեկացրեց, որ բժիշկը դատարանի շենքում  է, և դատական նիստի ընթացքում պարբերաբար օգնություն կցուցաբերի Մանվել Գրիգորյանին: