Հայրիկյանի դեմ մահափորձը չի կարող ապակայունացնել վիճակը Հայաստանում. Բորդյուժա

ՀՀ նախագահի թեկնածու Պարույր Հայրիկյանի դեմ մահափորձը չի կարող ապակայունացնել վիճակը Հայաստանում. Աստանա-Երեւան-Կիեւ-Մինսկ հեռուստակամրջի ընթացքում հայտարարել է ՀԱՊԿ գլխավոր քարտուղար Նիկոլայ Բորդյուժան` կոչ անելով շտապողականություն չցուցաբերել կատարվածը գնահատելու հարցում:

Թեեւ նա դա շատ լուրջ միջադեպ է համարում, սակայն այն չի որակում որպես մահափորձ, քանի որ հարկավոր է մանրամասներն ուսումնասիրել: «Համոզված եմ, որ Հայաստանի իրավապահ մարմինները, որոնք մշտապես աչքի են ընկել իրենց պրոֆեսիոնալիզմով, շատ արագ կպարզեն իրադրությունը եւ կգտնեն մեղավորներին»,- ասել է նա եւ, տեղեկատվության պակասը պատճառաբանելով, հրաժարվել է հետագա մեկնաբանություններից: