Հայրիկյանի ''մեղքն'' այն է, որ չմահացավ. Հայրիկյանի փաստաբան

Հայրիկյանի «մեղքն» այն էր, որ նա մահափորձի ընթացքում չմահացավ. լրագրողների հետ հանդիպման ժամանակ հայտարարեց ԱԻՄ նախագահ Պարույր Հայրիկյանի փաստաբան Լեւոն Բաղդասարյանը` անդրադառնալով այն խոսակցություններին, թե պետական միջոցները չպետք է ծախսվեին Հայրիկյանի բուժման համար:

«Եթե մահափորձի ընթացքում նա մահանար, ապա նման խոսակցություններ չէին լինի: Պետական և ոչ պետական ստրուկտուրաների կողմից ավելի մեծ գումարներ կծախսվեին, ընդհուպ`  Հայրիկյանին կդարձնեին ազգի հերոս»,- ասաց Բաղդասարյանը:

Նա նշեց, որ Հայրիկյանին հատկացված գումարը բավականին քիչ է, որպեսզի լիովին ապաքինվի:

Հայրիկյանը երեկ վիրահատվել է Բելգիայում: Փաստաբանի խոսքով` վիրահատությունը տևել է մոտ 7 ժամ, և բժիշկներն ասել են, որ տևական ժամանակ է հարկավոր, որպեսզի նա վերջնականապես ապաքինվի: