Հայրիկյանը ընտրությունները հետաձգելու վերաբերյալ որոշում չունի

Հայրիկյանի վիրահատությունը նորմալ է անցել, նա արդեն իրեն լավ է զգում, անգամ կատակում է. լրագրողների հետ զրույցում ասաց ԱԻՄ ղեկավար, ՀՀ նախագահի թեկնածու Պարույր Հայրիկյանի փաստաբան Լևոն Բաղդասարյանը: 

Հիվանդանոցում հավաքված լրագրողներն ու տեսակցողներն այնքան շատ են, որ աղմուկ է տիրում, և փաստաբանը խնդրեց չաղմկել, նաեւ նշեց, որ այսօր բացառվում է որևէ մեկի տեսակցությունը Հայրիկյանի հետ:

«Հայրիկյանը, գործի հետ կապված, որևէ բան դեռ չի ասել: Ամենայն հավանականությամբ, երկուշաբթի ասուլիս կանենք, և հարցերի պատասխաններն ավելի կոնկրետ կլինեն»,- ասաց փաստաբանը:

Լրագրողների հարցին, թե Հայրիկյանը ընտրությունները հետաձգելու վերաբերյալ դիմում գրելո՞ւ է, Լևոն Բաղդասարյանը պատասխանեց, որ դա Հայրիկյանի որոշելիքն է, իսկ այս պահի դրությամբ հարցի վերաբերյալ նման որոշում չունի: