Հայտնի է` ինչու է Թել Ավիվը հարվածել Դամասկոսին

Դամասկոսը հայտնել է, թե որն է եղել իսրայելական օդուժի այսօրվա թիրախը: Սիրիայի բանակի եւ զինված ուժերի ընդհանուր հրամանատարությունը հայտարարել է, որ Իսրայելի ռազմական ուղղաթիռները խախտել են երկրի օդային տարածքը եւ հարվածներ հասցրել սիրիական ռազմական գիտահետազոտական կենտրոնին: «ՍԱՆԱ» պետական լրատվական գործակալության հաղորդմամբ` այս կենտրոնը, որը զգալի վնասներ է կրել, մեծ նշանակություն ուներ Ջամրայա թաղամասի ինքնապաշտպանությունը կազմակերպելու առումով:

Հայտարարության մեջ նշվում է, որ կատարվածը վկայում է` Իսրայելի եւ Բաշար ալ Ասադի վարչակազմին դեմ երկրների գլխավոր խնդիրը Սիրիայի կենսական եւ ռազմավարական նշանակություն ունեցող օբյեկտները ոչնչացնելն է: