Քաղաքական գործիչները ստո՞ւմ են, թե՞ ոչ. Washington Post-ը կարող է պարզել

Washington Post թերթը թողարկել է նոր «ստի դետեկտոր»` այսպես կոչված Truth Teller (թարգմանաբար` «Ճշմարտությունը պատմող») հավելվածի նախատիպը: Այս մասին հայտնում է հենց օրաթերթը:

Հավելվածի հիմքում ընկած է Microsoft Audio Video indexing service (MAVIS) ծրագիրը, որի շնորհիվ ձայնային ազդանշանները կարող են բառերի վերածվել:

Truth Teller-ը հնարավորություն կտա պարզելու` արդյո՞ք քաղաքական գործիչներն անկեղծ են եղել իրենց հայտարարություններում եւ չեն ներկայացրել կեղծ փաստեր: Իսկ դա կիրականացվի հետեւյալ մեխանիզմով` հնչած ցանկացած խոսք, ելույթ իրական ժամանակում կվերածվի տեսքտի, այնուհետեւ զուգահեռ կանցկացվի այդ տեքստի եւ փաստերի բազայում գոյություն ունեցող տեղեկատվության միջեւ եւ կպարզվի` քաղաքական գործչի խոսքը համապատասխանո՞ւմ է իրականությանը, թե՞ ոչ: