Washington Post-ի կայքը վճարովի կլինի

Ամերիկյան խոշորագույն թերթերից մեկի`Washington Post-ի ղեկավարությունը հայտարարել է, որ այա տարվա ամռանից թերթի վեբ-կայքի ընթերցողներից գումար է գանձվելու. տեղեկացնում է Интерфакс-ը:

Հաղորդագրության մեջ նշվում է, որ ըստ մշակված ծրագրի` ընթերցողները հնարավորություն կունենա անվճար ընթերցելու 20 հոդվածից ոչ ավելի: Այնուհետեւ նյութեր կարդալու համար պետք է վճարեն, սակայն, թե որքա՞ն, Washington Post-ը դեռ չի որոշել:

Միաժամանակ, ընթերցողների մի որոշակի կատեգորիա կայքից կօգտվի անվճար եւ առանց սահմանափակումների: Դա վերաբերում է հիմնականում թերթի թղթային տարբերակին բաժանորդագրվածներին: Նաեւ  կայքից անվճար օգտվելու հնարավորություն կունենան զինվորականները, ուսուցիչները, ուսանողները եւ պետծառայողները, սակայն միայն աշխատավայրում եւ ուսումնական հաստատությունում:

Այսպիսով` Washington Post-ը համալրում է այն թերթերի ցուցակը, որոնց կայքերը վճարովի են` New York Times, Boston Globe եւ Wall Street Journal: