Հայտնաբերվել է Դեդ Հասանին սպանողի ափի դրոշմը

Քրեական հետախուզության բաժնի աշխատակիցները վերականգնում են քրեական հեղինակություն Ասլան Ուսոյանի` Դեդ Հասանի սպանության պատկերը` մշակելով բոլոր հնարավոր վարկածները. տեղեկացնում է Вести-ն:

Հաջողվել է գտնել այն տեղը, որտեղից կրակել են Դեդ Հասանի վրա, նաեւ հայտնաբերել են մարդասպանի ափի դրոշմն այդ վայրում: Ենթադրվում է, որ քրեական հեղինակությանը սպանել են հատուկ ծառայություններին կցված զենքով: Այդ կապակցությամբ անցկացվելու են մի շարք փորձաքննություններ:

Իսկ մահափորձի ժամանակ տուժած կինը վիրահատությունից հետո, ըստ բժիշկների, ծանր վիճակում է: Նրան միացրել են արհեստական շնչառության սարքին, նա գիտակցության չի եկել: Կինը 4,5 լիտր արյուն էր կորցրել կրծքին եւ ազդրին ստացած վերքերի հետեւանքով: