Արտո Թունջբոյաջյանը հանդիպել է Հրանուշ Հակոբյանի հետ

Հունվարի 15-ին ՀՀ սփյուռքի նախարար Հրանուշ Հակոբյանն ընդունել է սփյուռքահայ երաժիշտ Արտո Թունջբոյաջյանին. այս մասին Yerkir.am-ին հայտնում են Սփյուռքի նախարարության մամլո ծառայությունից:

Հանդիպման ընթացքում Թունջբոյաջյանը նախարարին է ներկայացրել իր մշակութային և հասարակական գործունեությունը ինչպես Սփյուռքի հայ համայնքներում, այնպես էլ՝ Հայաստանում: Նա մասնավորապես կարևորել է Արվեստի դպրոցի ստեղծման իր գաղափարն ու դրա նշանակությունը:

Նախարարը, բարձր գնահատելով երաժշտի գործունեությունը Սփյուռքում, ներկայացրել է նաև ՀՀ սփյուռքի նախարարության հիմնական ուղղվածությունն ու նպատակները, մասնավորապես առանձնացրել հայապահպանության,  Սփյուռքում հայկական ներուժի բացահայտման և ի նպաստ հայրենիքի օգտագործման, հայրենադարձության ուղղությամբ տարվող աշխատանքները, ինչպես նաև, հայկական սփյուռքի հիմնախնդիրները բացահայտելուն և գնահատելուն միտված հետազոտությունները: