ՀՀ քաղաքացիները Թուրքիայում անշարժ գույք են ձեռք բերում

Թուրքիայում փաստեր են ի հայտ եկել Հայաստանի եւ Հյուսիսային Կորեայի քաղաքացիների կողմից անշարժ գույք ձեռք բերելու վերաբերյալ. տեղեկացնում է թուրքական Milliyət-ը` վկայակոչելով շրջակա միջավայրի պաշտպանության եւ քաղաքաշինության նախարար Էրդողան Բայրաքդարին:

Ըստ նախարարի` կատարվել է 1 միավոր անշարժ գույքի վաճառք ՀՀ 2 քաղաքացիների անունով: Իսկ, ընդհանուր առմամբ, 139859 օտարերկրացի Թուրքիայում ձեռք է բերել 152933 միավոր անշարժ գույք:  

Թուրքիայում գործում է օրենք, որը թույլ է տալիս 183 երկրների քաղաքացիների անշարժ գույք ձեռք բերել երկրում: Այդ ցուցակում չեն ընդգրկված Սիիրան, Հայաստանը եւ Հյուսիսային Կորեան, որոնց հետ Թուրքիան դադարեցրել է հարաբերությունները: