Արաբական գարնան հասցրած վնասը 225 մլրդ դոլար է

Մերձավոր Արեւելքում եւ Հյուսիսային Աֆրիկայում տեղի ունեցած հեղափոխությունների` այսպես կոչված «արաբական գարնան» հասցրած վնասը 225 մլրդ դոլար է. հաշվարկել է Reuters լրատվական գործակալության BreakingViews  ստորաբաժանումը:

2010 թվականին Արժույթի միջազգային հիմնադրամը կանխատեսել էր, որ Եգիպտոսի, Թունիսի, եւ Լիբիայի տնտեսությունները` միասին վերցրած, 2011-2015 թթ. 2,2 տրիլիոն դոլար կկազմեն: Ներկայումս այդ ցուցանիշը իջեցված է 10 տոկոսով, որն էլ «արաբական գարնան» վնասների գումարն է:

Ըստ լիբանանյան The Daily Star թերթի` BreakingViews-ի հաշվարկները չի կարելի լիովին օբյեկտիվ համարել, քանի որ ԱՄՀ-ի կանխատեսումներում հաշվի են առնված ՀՆԱ-ի վրա ազդող բոլոր գործոնները, այլ ոչ միայն հեղափոխության հետեւանքները: