Բոգոսյանը հայտնվել է "Կրասնոդար"-ի տեսադաշտում

Life Sports-ը տեղեկացնում է, որ ռուսաստանյան «Կրասնոդար» ակումբը հետաքրքրված է ավստրիական «Ռեդ Բուլ Զալցբուրգ»-ի հարձակվող Խոակին Բոգոսյանով:

Մասնագետների կարծիքով` 25-ամյա Բոգոսյանը կարող է թիմում փոխարինել Հայաստանի ազգային հավաքականի հարձակվող Յուրա Մովսիսյանին: «Կրասնոդարի» գլխավոր մարզիչ Սլավոլյուբ Մուսլիմը հայտարարել էր , որ թիմին անհրաժեշտ է ֆուտբոլիստ, ով կփոխարինի  Մովսիսյանին:

Հիշեցնենք, որ Բոգոսյանը 2010-ին արգենտինական «Նյուելս Օլդ Բոյսից»  տեղափոխվել և քառամյա պայմանագիր էր կնքել «Ռեդ Բուլ Զալցբուրգ»-ի հետ, սակայն այդպես էլ չէր կարողացել իր հիմնական տեղը հաստատել թիմում:  2011/2012 մրցաշրջանում նա վարձավճարով հանդես եկավ Մոնտեւիդեոյի «Նասիոնալ»-ում, որի կազմում դարձավ Ուրուգվայի չեմպիոն: