Ադրբեջանում հարձակվել են ընդդիմության առաջնորդի վրա

Հունվարի 13-ին Ադրբեջանում` Լենքորան քաղաքի մուտքի մոտ, հարձակում է կատարվել ընդդիմադիր «Մուսավաթ» կուսակցության առաջնորդ Իսա Ղամբարի վրա: Ոստիկանությունը դեռեւս չի մեկնաբանել միջադեպը. տեղեկացնում է Кавказ онлайн-ը:

Ղամբարը Լենքորան էր ժամանել` մասնակցելու կուսակցության տարածքային կառույցի ստեղծման 20-րդ տարեդարձին: Ըստ «Մուսավաթի» փոխնախագահի` հարձակումը կատարել են տեղի բնակիչները, որոնց հրահրել են դրան: Նա դա համարում է մահափորձ եւ պահանջում է պատժել մեղավորներին:

Ենթադրվում է, որ հարձակումը հետեւանքն է Բաքվում մեկ օր առաջ անցկացված ակցիայի` ուղղված բանակում ոչ մարտական կորուստների դեմ: