Վահագն Չախալյանի անունը համաներման ցուցակում չկա

Վրացական itv.ge լրատվական գործակալությունը  ներկայացրել է այն քաղբանտարկյալների ցուցակները, որոնք համաներում են ստացել և պետք է լքեն բանտերը:

Համաներում արժանացած քաղբանտարկյալների ցուցակում ջավախահայ Վահագն Չախալյանի անունը տեղ չի գտել, սակայն լուրեր էին շրջանառվում, որ նա  ևս ազատ կարձակվի: Ցուցակում տեղ է գտել ընդամենը երկու հայի անուն`Արմեն Գևորգյանը և Ռուբեն Շեկոյանը:

«Համաներման մասին» օրենքով Վրաստանում արդեն ազատ է արձակվել մոտ 190 քաղբանտարկյալ, որոնց մեծ մասը ազատազրկման էր դատապարտվել 2005-2011թթ. ընդդիմության հանրահավաքներին ակտիվորեն մասնակցելու համար: Newsgeorgia կայքի հաղորդմամբ` մոտ ժամանակներս վրացական բանտերում պատիժը կրող ավելի քան 3000 բանտարկյալների պատժաչափը կկրճատվի: