Հայրիկյանը առավելություն ունի` մյուս թեկնածուների համեմատ

Հոգեբանական կողմը շաբաթներ առաջ հուսահատական էր, այժմ հետաքրքիր ժամանակներ են, լավատեսական հայացքով պետք է նայել «մեր գործին». լրագրողների հետ հանդիպման ժամանակ հայտարարեց ԱԻՄ առաջնորդ, ՀՀ նախագահի թեկնածու Պարույր Հայրիկյանը` անդրադառնալով նախընտրական իրադրությանը:

«Ի տարբերություն մյուս թեկնածուների, մենք մի առավելություն ունենք, դա  մեր անցած ճանապարհն է»,- ասաց նա ու հավելեց, որ իրենք բավական շահեկան վիճակում են: Yerkir.am-ը փորձեց ճշտել, թե ո՞ր տեսանկյունից է շահեկան՝ նախագահ դառնալո՞ւ, թե՞ 2-րդ տեղ գրավելու: 

«Առողջ մարդկանց տեսանկյունից եմ շահեկան դիրքում: Շահեկան է բոլոր այն մարդկանց համար, ովքեր փորձում են դառնալ նախագահ: Մրցակցային տեսանկյունից դժվար է ինձ հետ մրցել: Եթե մենք մարդկանց համոզենք, որ ընտրելու պահին ինքն է իշխանությունը, շատ բան կփոխվի: Պատմության մեջ կարևոր է երկրորդական չլինել»,- պատասխանեց Հայրիկյանը: