Ռինգ պետք է դուրս գալ հաղթելու համար. Արսեն Համբարձումյան

ՀՅԴ ԳՄ փոխներկայացուցիչ Արսեն Համբարձումյանն այսօր լրագրողների հետ հանդիպման ժամանակ պարզաբանեց, թե ինչու չհաջողվեց համախմբել ընդդիմության ուժերը:

«Համոզում եւ անկեղծություն չտեսանք: Հրապարակված քաղաքական օրակարգն ընդունելու դիմաց քողարկված կամ բացահայտ ակնկալիքները` այս կամ այն թեկնածուին աջակցելու համար, մեզ համար ընդունելի չէին»,- հայտարարեց նա եւ հիշեցրեց, որ ի սկզբանե ՀՅԴ-ն հայտարարել էր, որ անձի խնդիրն ամենակարեւորն ու առաջնայինը չէ:

Թեեւ համախմբում չեղավ, բայց ինքնին գործընթացը ՀՅԴ-ն կարեւորում է եւ համարում, որ հետագայում հնարավոր համագործակցությունների առումով որոշակի դաշտ ստեղծվել է:

«Մենք ռեալ ենք գնահատում իրավիճակը: Ռինգ դուրս գալուց առաջ պետք է մտածել ոչ թե մի քանի ռաունդ դիմանալու մասին, այլ հաղթելու: Եթե դուրս ես գալիս ռինգ, պետք է դուրս գաս հաղթելու համար»,- ընդգծեց ՀՅԴ ԳՄ փոխներկայացուցիչը: