Իտալիայի վարչապետն այսօր հրաժարական կտա

Իտալիայի վարչապետ Մարիո Մոնտին այսօր նախագահ Ջորջիո Նապոլիտանոյին կհայտնի իր հրաժարականի մասին. տեղեկացնում է Reuters-ը ` վկայակոչելով կառավարական շրջանակների տեղեկացված աղբյուրներ: Մոնտին իր որոշման մասին կհայտնի, երբ Իտալիայի խորհրդարանը ընդունի 2013-ի բյուջեն:

Վարչապետը հրաժարականի մտադրություն էր հայտնել դեռեւս դեկտեմբերի սկզբին, քանի որ չէր զգում, որ իր աշխատանքը լիարժեք հավանություն է գտնում պատգամավորների կողմից:

Կիրակի օրը Մոնտին մամուլի ասուլիս է հրավիրելու, որի ընթացքում հայտարարելու է` մտադի՞ր է դարձյալ այդ պաշտոնն ակնկալել 2013 թվականի փետրվարին կայանալիք ընտրություններից հետո: