Էթիկայի հանձնաժողովում փոփոխություններ կատարելու մասին օրինագիծն ընդունվեց

Ձայների` 66 կողմ, 28 դեմ, 1 ձեռնպահ հարաբերակությամբ ԱԺ-ում ընդունվեց Էթիկայի հանձնաժողովում փոփոխություններ կատարելու մասին՝ ԱԺ պատգամավորներ Դավիթ Հարությունյանի եւ Արփինե Հովհաննիսյանի ներկայացրած առաջարկությունը:

Նախքան քվարկությունը Արփինե Հովհաննիսյանը տեղեկացրեց, որ ընդդիմության ներկայացրած առաջարկությունների շուրջ քննարկումները շարունակվում են: ՀՀԿ-ական պատգամավորն ընդգծեց, որ թեեւ վերջնական որոշման դեռ չեն հանգել, բայց պայմանավորվածության եզրեր կան:

ԲՀԿ-ական պատգամավոր Ստեփան Մարգարյանն էլ հայտնեց, որ հիմա ԲՀԿ-ն դեմ է քվեարկում, բայց բանակցությունների արդյունքում հնարավոր է` ընդհանուր հայտարարի գան: