«ԱԺ կանոնակարգ» օրենքում փոփոխություններ կատարելու մասին հարցն առաջին ընթերցմամբ ընդունվեց

ԱԺ-ում քվեարկության դրվեց ԱԺ պատգամավորներ Վահրամ Բաղդասարյանի, Հովհաննես Սահակյանի և Արմեն Ռուստամյանի կողմից ներկայացված «ԱԺ կանոնակարգ» օրենքում փոփոխություններ և լրացումներ կատարելու մասին նախագիծը երրորդ ընթերցմամբ ընդունելու հարցը:

ԱԺ պատգամավոր Տիգրան Ուրիխանյանը նշեց, որ այս նախագծով հանվում է այն դրույթը, ըստ որի` պատգամավորին հետապնդել չէր կարելի իր ծավալած գործունեության համար: «Հիմա այդ կարգը չի գործում: Սա մահակ է ընդդիմադիր պատգամավորների գլխավերևում: Խնդրում եմ սա հաշվի առնել»,- ասաց նա:

Ի պատասխան, Գալուստ Սահակյանն ասաց, որ այդպես չի կարծում:

Օրենքը ձայների` 93 կողմ, 0 դեմ, 11 ձեռնպահ հարաբերակցությամբ ընդունվեց: