ՀՐԱՊԱՐԱԿ. Շաբաթն առանց ռուսների շաբաթ չի...

Մեծ-մեծ էր բրդում «Հարավկովկասյան երկաթուղի» ՓԲԸ-ն: Ինչ դարակազմիկ ծրագիր ասես` չէր մտմտում: Բայց արի ու տես, որ վիճակներն այնքան վատ է, որ մնացել են... բյուջեի 155 մլն դրամ սուբսիդիայի հույսին, որ հաջորդ տարվա բյուջեով պիտի վճարենք:

Նախարար Մանուկ Վարդանյանն ասում է`եթե չենք վճարում, ներհանրապետական ուղեւորափոխադրումներն են թանկանում, պատրա՞ստ ենք դրան: Հետաքրքիր է` ներդրածնե՞րն ինչ է, որ հիմա էլ ուղեւորափոխադրում թանկացնեն:

Եվ ընդհանրապես` ո՞վ է տեսել պետությունը, այսինքն` էլի մենք բոլորս, մասնավոր եւ շահույթով գործող ընկերության սուբսիդավորի:

Բայց ռուսների հետ ամեն բան էլ հնարավոր է: Նրանց կարծիքով` ինչ էլ անեն, մենք ընտրություն չունենք. նույն ֆորպոստն ենք, որ կանք...