Տիգրան Մարտիրոսյանը բավարարվեց փոքր բրոնզե մեդալով

Փարիզում շարունակվում է ծանրամարտի աշխարհի առաջնությունը: Իրենց ելույթներն ավարտեցին նաև 77 կգ քաշայինները:

2010-ին Թուրքիայում կայացած աշխարհի առաջնության չեմպիոն  Տիգրան Գևորգի Մարտիրոսյանը երկամարտի 356 կգ (պոկում՝ 166կգ և հրում՝ 190 կգ) հայտնվեց չորրորդ տեղում: Պոկում վարժությունում Մարտիրոսյանը նվաճեց փոքր բրոնզե մեդալ:

Առաքել Միրզոյանը գրավեց 10-րդ տեղը` 338 կգ (155+183):

Աշխարհի չեմպիոն դարձավ չինացի Սյաոյուն Լյուն` 375 կգ (170+205): Փոխչեմպիոնի տիտղոսը նվաճեց չինացի Դաջին Սուն` 372 կգ (166+206):  Երրորդ տեղը գրավեց հարավկորեացի Ջայհոուկ Սան` 360 կգ (157+203):

Մինչ այժմ ելույթ ունեցածներից ամենալավ արդյունքը գրանցել է Մարտիրոսյանը, սակայն գործող չեմպիոնից ակնկալիքներն ավելի մեծ էին: