Ավանդատուները կստանան 1 միլիոն շահում

Այսօր տեղի է ունենալու «Կոնվերս» բանկի «Շանս» ավանդային ակցիա-խաղարկությունը, որին մասնակցելու են բանկի բոլոր ավանդատուները, ովքեր ներդրել են 50 հազար դրամ եւ ավելի գումար:

Բանկի հասարակայնության հետ կապերի պատասխանատու Լուսինե Մարգարյանը տեղեկացրեց, որ խաղարկությանը մասնակցելու է ոչ թե ավանդատուն, այլ նրա ներդրած յուրաքանչյուր 50 հազար դրամը:

Օրինակ` եթե մեկն ունի 100 հազար դրամ, ապա ավանդը երկու անգամ է մասնակցում խաղարկությանը:

Խաղարկության ընդհանուր ֆոնդը 1 միլիոն դրամ է: Շահողները լինելու են 6 հոգի, մեկը շահելու է 750 հազար դրամ, մյուս հինգը` 50 հազարական դրամ:

«Շանս» ավանդային ակցիան անցկացվում է եռամսյակը մեկ անգամ: