Ռուսաստանն օգնության ձեռք է մեկնում եվրագոտու երկրներին

Ռուսաստանը պատրաստ է օգնել եվրագոտու երկրներին, որոնք պայքարում են պետական պարտքի պատճառով առաջ եկած ճգնաժամի դեմ: Այդ մասին հայտարարել է Ռուսաստանի նախագահի օգնական Արկադի Դվորկովիչը. հաղորդում է Gazeta.ru-ն:  

Նրա խոսքերով` Ռուսաստանը պատրաստ է Եվրոպայի տնտեսության մեջ ներդնել տասը միլիարդ դոլար` օգտագործելով  Արժույթի միջազգային հիմնադրամի մեխանիզմները:

Դվորկովիչն ասել է, որ Կրեմլը անհատական եւ երկկողմանի բանակցություններ է վարում Եվրամիության երկրների առաջնորդների հետ:

Նա հայտարարել է նաեւ, թե հույս կա, որ Ռուսաստանի` Առեւտրի համաշխարհային կազմակերպությանն (ԱՀԿ) անդամակցելու վերաբերյալ որոշումը կընդունվի դեկտեմբերի 15-ին կայանալիք ԱՀԿ նախարարական հանդիպման ժամանակ: