Ֆերգյուսոնը նման արդյունք անգամ ակնկալել չէր կարող

«Պատմության մեջ սա մեր վատագույն խաղն էր։ Իմ թիմը երբեք նման հաշվով չէր պարտվել։ Նույնիսկ, երբ ես էի խաղում, չէի մտածում, որ կարելի է պարտվել 1։6 հաշվով։ Ռիո Ֆերդինանդը և Պատրիս Էվրան իրենց ունեցած փորձի հաշվին պետք է  ավելի լավ խաղ ցուցադրեին պաշտպանության գոտում։ Մենք շարունակում էինք գրոհել, չնայած, որ ավելի լավ կլիներ սթափ հասկանալ իրավիճակը:

Մեզ համար անհաջող օր էր, բայց հունվարին ամեն ինչ լավ կլինի։ Իհարկե, այս արդյունքը կազդի մեր խաղի վրա։ Հանդերձարանում բոլորը հուսալքված էին։ Եվս մի կարևոր հանգամանք կա` մրցաշրջանի ավարտին խփած և բաց թողած գոլերի քանակը:  Անցած մրցաշրջանում դա մեր օգտին էր։ Այս առաջնությունում այնքան էլ համոզված չեմ»,- եզրափակել է կարմիր սատանաների մարզիչը: