ԿԳ նախարարը մրցանակներ է հանձնել

ՀՀ ԿԳ նախարար Արմեն Աշոտյանը հանդիպել է «Հայկական կրթական միջավայր» ֆորումում անցկացված առցանց մրցույթների հաղթողների և մրցանակակիրների հետ։ Նախարար Ա.Աշոտյանը շնորհավորել է Կրթական տեխնոլոգիաների ազգային կենտրոնի կողմից կազմակերպված «Ես գիտեմ իմ իրավունքները» և «Ես քո զավակն եմ, Հայաստան» խորագրերը կրող մրցույթներում հաղթած աշակերտներին և նրանց ուսուցիչներին:

«Շնորհակալ եմ, որ դուք որպես աշակերտներ ակտիվ եք, կարևորում եք ձեր իրավունքների ու պարտականությունների խնդիրը: Ուզում եմ, որ ձեր ժպիտն ու աչքերի փայլը, որն այսօր տեսնում եմ ձեր աչքերում, երբեք չկորցնեք»,- նշել է նախարարը:

Լավագույն տեսաշար, տեսահոլովակ և լուսանկար անվանակարգում հաղթող աշակերտներին պատվոգրեր, շնորհակալագրեր և նվերներ են հանձնվել: