"Հայ ֆեստ"-ն իր վերջին պտույտն է գործում

Այսօր «Հայ ֆեստ» թատերական միջազգային փառատոնի վերջին օրն է:

Ինչպես yerkir.am-ին տեղեկացրեց փառատոնի նախագահ Արթուր Ղուկասյանը, ի տարբերություն նախորդ տարվա, այս տարի հանդիսատեսի շարժ է նկատվում, իսկ լուսաբանության առումով շատ ակտիվ են ինտերնետային կայքերը. «Օն լայն ակտիվությունը շատացել է նաեւ հանդիսատեսի շրջանակներում. անհամեմատ շատ մարդիկ են մտնում մեր կայք` ինֆորմացիա ստանալու համար,  զանգահարում` քիչ»:

Հարցին, թե ո՞րն ներկայացումն էր ամենից ավելի ցնցել հայ հանդիսատեսին եւ որը, ընդհակառակը, այնքան էլ դուր չէր եկել, Ղուկասյանը պատասխանեց, որ հանդիսատեսին շատ է դուր եկել Բուլղարիայի Կրեդո թատրոնի «Հայրիկը միշտ ճիշտ է» ձյունե կատակերգությունը, իսկ հանդիսատեսին համեմատաբար քիչ է հետաքրքրել Չեխիայի «Անէքսզյուդ» թատրոնի «Կայսրություն ստեղծողները» դրաման: