Ոստիկանությունը նախազգուշացնում է

ՀՀ ոստիկանությունը մամուլի հաղորդագրություն է տարածել, որում անդրադարձել է Ազատության հրապարակում անցկացվող ՀԱԿ հանրահավաքին` հայտարարելով, որ կոպտորեն խախտվում է հասարակական կարգը:

Նշվում է, որ, անտեսելով հրապարակը վրաններից ազատելու` ոստիկանության օրինական պահանջները, հավաքի կազմակերպիչների և մասնակիցների անօրինական գործողությունների հետեւանքով նույնիսկ վերանայվել է ՀՀ ժողովրդական արտիստ Վանուշ Խանամիրյանին վերջին հրաժեշտը տալու արարողությունը օպերայի եւ բալետի թատրոնում անցկացնելու որոշումը:

«Դրսևորելով հանդուրժողականություն և պահպանելով հավաքի կազմակերպիչների հետ հետևողականորեն բանակցելու` որդեգրված սկզբունքը` ոստիկանությունը մինչ այժմ ձեռնպահ է մնացել օրինականության խախտման նման դրսևորումների վերացմանն ուղղված միջոցառումներ իրականացնելուց՝ ապավինելով հավաքի կազմակերպիչների ողջամտությանը: Միաժամանակ, անօրինական հավաքի կազմակերպիչները և մասնակիցները հերթական անգամ տեղեկացվում են, որ հասարակական կարգի անհամաչափ խախտման դեպքում ոստիկանությունը ձեռնամուխ կլինի օրենքով իրեն վերապահված լիազորությունների իրականացմանը»,- ասվում է հաղորդագրության մեջ: