Արտահերթ ընտրությունների "օգուտը"

Ժողովրդական կուսակցության նախագահ Տիգրան Կարապետյանը ցանկանում է, որ արտահերթ ընտրություններ լինեն անգամ հերթական ընտրություններից մեկ օր շուտ: Այս մասին Կարապետյանը հայտնեց yerkir.am-ի հետ զրույցում:

Մեր այն դիտարկմանը, թե դա ի՞նչ կփոխի եւ ի վերջո էական ոչ թե օրն է, այլ ընտրության արդարությունը, Կարապետյանը նկատեց, թե մի օր էլ շուտ լինի` օգուտ է: Իսկ օգուտն, ըստ Կարապետյանի, այն է, որ «սիստեմը կկոտրվի»:

Կարապետյանը երկխոսությունը համարում է անիմաստ, «քանի որ արդյունք չի տալիս»: «Պետք է փոխվի իմաստը, կարգը»,-հավաստիացնում է Ժողովրդական կուսակցության նախագահը: ՀԱԿ-ին Կարապետյանը պատրաստ է միանալ միայն մի դեպքում, «եթե ՀԱԿ-ը վճռական լինի իր գործողություններում»: