Բոստանջյանը կողմ է երկխոսության շարունակությանը

Երկխոսությունը ԱԺ ԲՀԿ խմբակցության պատգամավոր Վարդան Բոստանջյանի համար շարունակում է մնալ «ընդունված եւ կարեւոր ինստիտուտ»: Թերեւս սա է այն հիմնական պատճառը, որը ստիպում է Բոստանջյանին մնալ այն խոր համոզմունքին, որ «ՀԱԿ-ն ամենեւին էլ վատ չի արել, որ երկխոսությունը շարունակելու պատրաստակամությամբ է դիմել»:

Իշխանությունը կընդունի՞ ՀԱԿ-ի առաջարկությունը, թե՞ ոչ` Բոստանջյանը դժվարացավ պատասխանել: «Անձամբ կարծում եմ, որ շարունակելը ճիշտ է»,- Yerkir.am-ի հետ զրույցում նշեց պատգամավորը եւ հավելեց, որ այսօր եւ վաղը կխորհրդակցեն, որի արդյունքում էլ կորոշվի իշխանության վերջնական պատասխանը:

ՀԱԿ-ի 7-օրյա հանրահավաքները ԱԺ ԲՀԿ խմբակցության պատգամավորը որակեց որպես «ճնշում իշխանության վրա»: