Նելսոն Մանդելան` ամենահարգված մարդ

Ամերիկյան Reputation Institute-ի անցկացրած հարցումներով` Հարավաֆրիկյան Հանրապետության առաջին սեւամորթ նախագահ Նելսոն Մանդելան ճանաչվել է աշխարհի ամենահարգված մարդ:

Աշխարհի հարգված մարդկանց որոշելու համար անցկացված հարցմանը մասնակցել է 50 հազար մարդ աշխարհի 25 երկրներից: Մանդելան հավաքել է հարցվածների ձայների 78,5 տոկոսը:

Երկրորդ հորիզոնականում շվեյցարացի թենիսիստ Ռոջեր Ֆեդերերն է: Ցուցակում հայտնվել են նաեւ միլիարդատեր Բիլ Գեյթսը, Apple-ի նախկին տնօրեն Սթիվ Ջոբսը եւ Facebook-ի հիմնադիր Մարկ Ցուկերբերգը:

Քաղաքական գործիչներից «հարգվածների» թվում են ԱՄՆ նախագահ Բարաք Օբաման (14-րդ տեղ), Մեծ Բրիտանիայի վարչապետ Դեւիդ Քեմերոնը (34-րդ տեղ), ՌԴ նախագահ Դմիտրի Մեդվեդեւը (43-րդ տեղ), ինչպես նաեւ ՌԴ վարչապետ Վլադիմիր Պուտինը (44-րդ տեղ):