Օջալանը, ինչպես Մանդելան, կարող է ազատ արձակվել. Էրդողանի կուսակցության հիմնադիր-փոխնախագահ

Թուրքիայում իշխող՝ «Արդարություն և զարգացում» կուսակցության հիմնադիրներից և կուսակցության նախկին փոխնախագահ Դենգիր Ֆըրաթը հայտնել է, որ հնարավոր է, Օջալանն ազատ արձակվի: Այդ մասին նա ասել է Hurriyet-ի հետ զրույցում:

Նշելով, որ քրդերի հետ խաղաղության հաստատումը կլինի Օջալանին ազատ արձակելու միջոցով, Ֆըրաթն օրինակ է բերել Հարավաֆրիկյան Հանրապետությունը:  «Մանդելան էլ նման գործընթացի ընթացքում ազատ չարձակվե՞ց»,- ասել է նա:

Ֆըրաթը նշել է, որ  Օջալանին կալանքի տակ պահելու անհրաժեշտություն չկա, քանի որ նա դեմ է  բռնությանն ու ահաբեկչությանը:

Հիշեցնենք, որ Թուրքիայում ահաբեկչական կուսակցություն համարվող Քրդական աշխատավորական կուսակցության առաջնորդ Աբդուլլահ Օջալանը Էմրալի կղզում ցմահ ազատազրկված է: