Ֆինլանդիայում առաջին անգամ ահաբեկիչներ են ձերբակալվել

Ահաբեկչություն ծրագրելու մեղադրանքով Ֆինլանդիայում ձերբակալվել է երկու տղամարդ: Սա առաջին նման դեպքն է այս երկրում. հաղորդում է  BBC-ն:

Ոստիկանությունը հաղորդել է, որ այդ մարդիկ մասնակցել են ահաբեկչական խմբի ձեւավորման եւ դրա գործողությունները ֆինանսավորելու գործընթացներին: Կասկածյալները կալանքի տակ են գտնվում սեպտեմբերի 7-ից: Նրանք ինքնության վերաբերյալ տվյալները` տարիքը, ազգությունը, գաղտնի են պահվում:

Ոստիկանությունը հետաքննություն է կատարել Հելսինկիի տարբեր հատվածներում, եւ հայտնաբերված իրեղեն ապացույցներն են եղել տղամարդկանց կալանքի տակ առնելու պատճառը: Նախաքննության տվյալների վերաբերյալ դեռեւս մանրամասներ չեն հայտնում: