Դիլմա Ռուսեֆը հաղթահարել է քաղցկեղը

Բրազիլիայի նախագահ Դիլմա Ռուսեֆը վերջնականապես հաղթահարել է ավշային համակարգի քաղցկեղը, որը նրա մոտ հայտնաբերվել էր 2009 թվականին:

Բժիշկներին հաջողվել է երկրի նախագահի հիվանդությունն ախտորոշել նախնական փուլում, ինչը հնարավորություն է տվել անցկացնել բուժման ինտենսիվ կուրս` քիմիաթերապիայի օգտագործմամբ:

Բրազիլիայի 64-ամյա նախագահը նշել է, որ իր առողջությունը հրաշալի վիճակում է, եւ որ ինքն արդեն փորձում է ազատվել 4-5 կիլոգրամներից, որոնք ձեռք է բերել հիվանդության ընթացքում:

Գաղտնիք չէ, որ Բրազիլիայի առաջին կին նախագահը պաշտոնում ընտրվելուց հետո չի դադարում իր արտաքին տեսքի մասին մտածելուց, այդ պատճառով հանրային ելույթների ժամանակ օգտագործում է դիմահարդարման բազմապիսի պարագաներ: