Ղարաբաղյան հակամարտությունը լուրջ մտահոգություն է

Ղարաբաղյան հակամարտությունը լուրջ մտահոգություն է առաջացնում եւ ոչ միայն դրանում ներգրավված երկու երկրների, այլ նաեւ տարածաշրջանի ու միջազգային հանրության համար. ադրբեջանական ԱՊԱ գործակալությանը տված հարցազրույցում հայտարարել է Շվեդիայի արտգործնախարար Կարլ Բիլդտը:

Նա նշել է, որ հարկավոր է աջակցել Ադրբեջանին եւ Հայաստանին խաղաղ որոշում գտնելու որոնումներում, եւ այստեղ Շվեդիան պաշտպանում է ԵԱՀԿ ՄԽ ջանքերը: «Խաղաղությունը կարող է ձեռք բերվել միայն բանակցությունների ճանապարհով: Կողմերը պետք է հրաժարվեն ագրեսիվ հռետորությունից եւ դրա փոխարեն խաղաղության հիմքը դնեն իրենց հասարակություններում: ԵՄ-ն պետք է աջակցի գործընթացին եւ տարածաշրջանի բնակչությանը ցուցադրի, որ խաղաղ ճանապարհով կարելի է բազմաթիվ առավելությունների հասնել»,- ասել է Բիլդտը: